Download panduan acara martonggo raja

Marria raja adalah kegiatan untuk bermusyarawarah, berkumpul dalam jumlah besar, rapat secara bersama-sama. Marria raja hampir sama dengan martonggo raja, tetapi keduanya memiliki perbedaan.

Marria raja mengundang Raja ni hula-hula, Dongan Tubu / Dongan Sabutuha, Ianakhon, Raja dan Dongan Sahuta, dan yang lainnya untuk membicarakan dan meminta nasehat atau masukan bagaimana supaya acara pemakaman untuk besoknya berjalan dengan baik dan menentukan siapa-siapa saja yang masuk adat, mendapat ulos dan jambar.

Pada malam ini Hula-hula berhak untuk memberikan nasehat pada keluarga yang ditinggalkan terutama bagi suami/istri yang ditinggalkan.

Sama seperti marria raja, martonggo raja adalah bermusyawarah yang melibatkan Raja ni hula-hula, Dongan Tubu, Ianakhon, Dongan Sahuta, Raja dan Namora ni huta, serta Pemerintah setempat. tetapi dalam ruang lingkup yang lebih besar.

Dalam martonggo raja sudah ada ternak yang dipotong untuk dimakan sebelum diskusi adat untuk orang yang meninggal itu dan biayanya sudah lebih besar. Di beberapa daerah seperti Tapanuli Tengah tidak ada marria raja, tetapi semua diskusi pada malam hari sebelum penguburan disebut dengan martonggo raja.

Dalam kegiatan ini, perkumpulan membicarakan acara pemakaman atau menurunkan ke kuburan (patuathon tu parbandaan) dan adat yang sesuai dengan itu. Termasuk juga membicarakan cara kerja atau apa yang harus dilakukan pada hari pemakaman dan siapa yang berperan dalam adat itu dan siapa yang masuk acara adat.

Penting untuk diingat bahwa sebelum dan sesudah melakukan tonggo raja harus dibuka dan ditutup dengan doa. Setelah marria raja selesai dan makam mulai larut maka dibuatlah makanan berjaga bagi pelayat orang mati yang disebut Pandungoi.

Molo didok Martonggo Raja na marlapatan do i mangido pangurupion, panuturion di angka na mardongan tubu, boru, bere, dongan sahuta, molo marulaon pamulihon boru manang pangolihon anak. Didok natuatua :

Pusuk ni tobu naposo, binahen uramuram ni situma.

Sungkunon gogo tu naposo, alapon panuturion dohot poda sian natua-tua.

Molo didok Marria Raja namarlapatan do marhara angka raja asa ria rap udur laho mangadopi ulaon dialaman ni suhut bolahan amak.,

Pinatorang ma jolo saotik taringot tu pangantusion martonggo raja dohot marria raja.

Molo di ulaon alap jual lapatanna ulaon di alaman ni parboru– pihak parboru ma na mambahen martonggo raja, di paranak marria raja.

Baliksa (sebaliknya), molo ulaon taruhon jual lapatanna ulaon di alaman paranak di pamasa pihak paranak ma ulaon martonggo raja, jala parboru mambaen marria raja.

Sian hatorangan na di ginjang i boi simpulhononta :

Martonggo Raja di Suhut Bolahan Amak (suhut par alaman)

Marria Raja di Suhut Naniambangan (suhut na naeng ro tu alaman ni parpestaan)

Note: Molo  ro tu hita gonghon dohot jau-jou laho Martonggo Raja, sian gonghon /undangan i nunga botoon hita do bolahan amak. Hape sipata ni parrohahon ndang hita bolahan amak alai undangan Martonggo Raja (seharusnya Marria Raja).  Sasintongna sian undangan i pe nunga pintor habotoan ise na bolahan amak, jadi tingki laho mambahen gonghon /undangan ingkon taparateatehon jala marsitiroan ma angka namarhaha maranggi (sapanganan).

Di ulaon Martonggo Raja manang Marria Raja di subut jala di buat suhut do roha ni angka tutur asa rade jala dohot nasida berpartisipasi di ulaon i hombar tu ruhut-ruhut ni paradaton, jala hira di tingki on ma dibagihon (di distribusihon) undangan tu angka tutur. Dipatupa hasuhuton di si sipanganon. Jala molo tung adong pe dipatupa di si tudu-tudu ni sipanganon hira jambar ni adopan (jambar bersama) do i. Di tingki on ma sude dihatai angka pangaradeon tu ulaon, Raja Parhata, dohot angka na porlu di ulaon i jala ise namangulahon (pembagian tugas).

Tar songon on ma partording ni ulaon i.

Dung hira pungu sude angka naginokhon ni hasuhuton, isarana molo di Sitorius nunga ro Raja Pane, Raja Dori, Raja Boltok, Boru dohot Raja ni Dongan Sahuta, hundul ma marsiadopan hasuhuton dohot dongan tubu rap dohot dongan sahuta. Dung tipak  parhundulna dihobasi ma laho marsipanganon.

Paidua ni  Suhut

Di hita namardongan tubu, suang songoni nang Raja ni Dongan Sahuta nami, dohot Raja ni Borunami, hombar tu gonghon (undangan) naung hupasahat hami jala ala nunga dapot tingki, indok roha nami asa ta mulai ma ulaonta jadi boha dos ma rohanta asa jolo marsipanganon ma hita.

Dongan Tubu dohot Dongan Sahuta

Nauli suhut nami.

Paidua ni  Suhut

Borunami asa boan hamu ma tu son tudu-tudu ni sipanganon. Dung i peakhon ma di tonga-tonga ni namarsiadopan.

Dihamu Raja nanigonghon Raja ni Dongan Tubu, suang songoni Raja ni Dongan Sahuta, Raja ni Boru dohot Berenami, sian las ni roha nami, dison hupatupa hami do sipanganon namarsaudara asa pamurnas ma on antong tu daging saudara ma tu bohi, sipaneang holi-holi jala sipasindak panaili. Las ma rohanta.

Dongan Tubu dohot Dongan Sahuta

Mauliate ma di hamu suhut nami. Ala jambar naniadopan do tudutudu ni sipanganon napinasahat ni hasuhuton i, laos di liathon (dihalianghon)ma di inganan i sipanganon 3 hali jala di dok : Ala jambar na niadopan do on na rap manjalo do hita saluhutna ate ?. Dungi di olophon natorop: Nauli, Olopolop..

Dungi martangiang ma sian hasuhuton, jala marsipanganon ma jala didok ma huhuasi ni sipananganon.

Paidua ni  Suhut

Catatan parbagi ni jambar surung-surung martonggo raja dohot ria raja (Sitorus Boltok suhut)

Asa denggan parbagi ni jambar i, unang pola sude na ro mamboan jambar, dumenggan ma dibagi marsuhu-suhu, asa toho parsahat ni jambar i. Tarsongon on ma parbagina:

Jambar tu Sitorus Pane             :     Parsanggulan(namarngingi) parsiamun

Jambar tu Sitorus Dori              :     Parsanggulan(namarngingi) parhambirang

Jambar tu Sitorus Boltok          :    Dibuat sian ihur-ihur

Jambar tu Parsadaan                  :    Dibuat sian ihur-ihur

Jambar tu Raja Parhata             :     Satonga somba-somba

Jambar tu boru (suhut)              :   Osang parsiamun

Jambar tu boru parsadaan       :    Osang parhambirang

Jambar tu bere                              :    Soit

Jambar tu Pariban                       :    Soit

Tu ale-ale /Dongan sahuta       :    Soit

Tu Pangula ni Huria                    :    Soit (tingki martumpol)

Jambar na tinggal di pasahat tu hasuhuton

(suang songoni ma molo Sitorus Pane manang Dori suhut)

Note:  Mar piga-piga hali ni parrohahon parjambaran di ulaon martonggo raja dohot ria raja hurang diparateatehon, sahira na asalma di jaljali jambar i jala di pamasuk tu plastik, tingki dung naeng mulak be pe baru di pambagi i jambar i.

Dung sidung namarsipanganon di uduti ma dohot na marsisisean.

Marsiaturan ma Raja Pane dohot Raja Dori laho marsisisean tu hasuhuton. Somalna Raja Dori do na gabe parsinabul alai jolo marsipasangapan dipangkataion ise nagabe raja panise di ulaon i.

Raja Panise: “Di hamu Hasuhuton nami, nunga rap sagat hita marlompan na tabo, mangan indahan na las dohot minum aek sitio-tio jala nangkin sian las ni roha mu tangkas do di pasahat hamu jambar naniadopan ima tudu-tudu ni sipanganon. Asa songon ni dokni natua-tua Gonghon inna sipaimaon, Joujou siadopan. Hami pe antong dongan tubu mu suang songoni nang dongan sahutanta dohot borunta nunga ro mangadopi gonghon dohot joujou mu. Asa tangkas ma di paboa hasuhuton nami dia ma naneng si hataan jala aha ma nanaeng si ulahononta umbahen na di gonghon hamu hami, botima

Paidua ni  Suhut Maulitae ma tutu di haradeon dohot harentaon ni rohamu mangadopi1q joujou nami, asa songon hata ni situa-tua namandok: Pusuk ni tobu na poso uram-uram ni situma Sungkunon ma gogo tu na poso, ruhut adat tu natua-tua Jala ingot do hami tong di hata na mandok

Jadi nuaeng namangido panuturion dohot pangurupion ma hami sian hamu hahadoli nami Raja Pane, Raja Dori suang songoni nang Raja ni Dongan Sahuta dohot Boru/Bere ima di sangkapta nanaeng patupa ulaon ………(hasuhuton paboahon rumang ni siulaon, jala mangido pangurupion dohot panuturion, asa mardalan ulaon i sudena dohot denggan).

Dung diolophon situan natorop diuduti ma tu pembagian tugas. (Raja parhata sian hahadoli Raja Dori ma somalna ala Raja Boltok hasuhuton).

Di ulaon Tonggo Raja/ Ria Raja on ma sude di hatai angka pangaradeon tu ulaon, Raja Parhata, dohot angka na porlu di ulaon i jala ise namangulahon (pembagian tugas) termasuk :

– Ulaon Unjuk dialaman/gedung, na martugas dohot haporluon tusi.

– Godang ni undangan (kapasitas gedung dohot sipanganon na diparade — alai molo di huta, Raja do manibang piga tenda sipasangon dohot amak sipabolahon,  sadia godang boras si lompaon, martimbang sadia ma pinahan lobu manang sipiga kaleng ma sigagat duhut)

– Hasahatan ni Gonghon dohot Joujoilu (Pendistribusian undangan)

– Sibuha-buhai

– Amplop dohot isina siparadeon ni hasuhuton (ulakni tandok, ulak ni dekke, piso-piso, pinggan panganan manang ulos tinonun sadari)

– Ulaon di Gareja dohot na martugas (mandok hata hamauliateon)

– Si tiroan do hasuhuton tu na laho pasahat upa tulang/tintin marangkup dohot pingganpanganan

– Si tiroan do hasuhuton di angka sijalo ulos (manang na apasahat ulos)

– Si tiroan do hasuhuton di angka hata tu laho pasahat ulos

– Ulaon Tingkir tangga & Paulak Une manang Tingkir Tataring & Mebat/marsiholsihol.

– Si tiroan do hasuhuton di nalaho mangampu

Dung simpul sude di hata i jala ditiroi, di ujungi ma ulaon i dohot marhata sigabe-gabe di sauri haha doli Raja Pane ma, jala dung mangampu hasuhuton di pasimpul ma dohot tangiang.

Suhut pasahat jambar juhut tu na ro.

Pinadomuni (dirangkum oleh) :

Sampe Sitorus, SE  (A. Hitado Managam Sitorus)

Medang Lestari B3/K11 08129052462

Referensi dan Daftar Pustaka :

1. Garis Besar Ruhur-Ruhut Paradaton Sitorus, Buku Parsadaan Raja Sitorus Dohot Boruna (PARSIBONA) JABOTABED
2. Situs Simanjuntak Sitolu Sada Ina : http://simanjuntak.or.id
3. Jambar Hata, T.M Sihombing, CV Tulus Jaya
4. Literatur lain dohot panuturion ni angka natua-tua